Камерун терма жамоаси ҳужумчиси Венсан Абубакар ўзининг собиқ жамоаси "Бешиктош"га учинчи марта ўтиши мумкин.
"Бешиктош" ҳужумчиси Воут Вегхорст "Манчестер Юнайтед"га ўтиши мумкин, шу боис турк клуби аллақачон унинг ўрнига футболчи қидирмоқда.
"Бешиктош" Вегхорст кетган тақдирда марказий ҳужумчи позициясига биринчи даъвогар сифатида Венсан Абубакарни кўрмоқда ва футболчининг агенти билан музокаралар олиб бормоқда.
Эслатиб ўтамиз, "Ан-Наср" яқинда Абубакарни Криштиану Роналдуни рўйхатдан ўтказиш учун мавсум учун рўйхатдан чиқариб ташлаган, кейин эса шартномани бекор қилганди.
Абубакар бунгача икки бор "Бешиктош" сафида майдонга тушган. 2016/17 йилги мавсумда у Туркия Суперлигасида 27 учрашувда майдонга тушиб, 12 та гол урган, 2020/21 йилги мавсумда эса 26 учрашувда 15 та гол урган.
