Англия Премьер-лигасининг учта жамоаси “Барселона” ҳужумчиси Мемфис Депайнинг агенти билан музокарага киришди.
Нидерландиялик футболчининг "кўк-анорранглилар" билан шартномаси мавсум охирида тугайди ва уни узайтириш эҳтимоли йўқ. Миш-мишларга кўра, каталонияликлар 28 ёшли ҳужумчини январ ойида сотишга умид қилмоқда.
Футболчига АПЛнинг учта клуби "Манчестер Юнайтед", "Арсенал" ва "Челси" қизиқиш билдирмоқда, деб хабар беради Sport.es нашри. Қолаверса, “Ньюкасл” футболчини сотиб олишга умид қиляпти. Клуб вакиллари аллақачон Депайнинг агенти билан боғланиб, январ ойидаги эҳтимолий трансферни муҳокама қилишган.
