"Реал Мадрид" трансфер ойнасида ҳимоянинг ўнг қанотини кучайтириш ниятида.

Бугунги кунга келиб, Карло Анчелотти жамоасидаги ўнг қанот ҳимоясини Дани Карвахаль ва Лукас Васкес ёпиши мумкин, бу эса "қаймоқранглилар" бошлиқларига унчалик ёқмаяпти. Журналист Марио Кортеянанинг сўзларига кўра, "Реал Мадрид" ҳимоянинг ўнг томонида рақобатни кучайтириш учун муносиб номзодларни топиш учун аллақачон трансфер бозорини ўрганмоқда. Олдинроқ мадридликлар чап қанот ҳимоячиси қидираётгани хабар қилинганди.

Айни дамда "Реал Мадрид" "Барселона" билан Ла Лигада биринчи ўринни эгаллаб турибди, аммо каталонияликлар "Атлетико Мадрид" билан ўйинда мағлуб бўлишмаса, якка пешқадамликни қайтариб олишади.