"Порту" клуби президенти Пинту да Кошта Санкт-Петербургнинг "Зенит" клуби билан ҳужумчи Халк тўғрисида музокара олиб борганлиги ҳақидаги хабарларни мутлақо инкор қилди, дея хабар беради Португалия ОАВ.
Эслатиб ўтамиз, аввалроқ "Зенит" бош мураббийи Лучано Спалетти бразилиялик футболчи хизматларига қизиқиш билдирилаётгани тўғрисида гапириб ўтган эди.
"Зенит? Мен Россия клуби вакиллари билан кўп марта учрашдим. Аммо биз Халк билан боғлиқ масалаларни кўриб чиққанимиз йўқ. Таклиф бизни қизиқтирган ҳолдагина у бизнинг клубни тарк этиши мумкин", - дейди да Кошта.
