"Арсенал" ва Германия терма жамоасининг собиқ ҳужумчиси Лукаш Подольски ўзи ташкил этган хайрия турнирида қизил карточка олди, деб хабар бермоқда Daily Mail.
Мусобақанинг ярим финал учрашувида учта пенальти белгиланди. Ҳакамнинг бу қарорига ҳамма ҳам рози бўлмади. Жумладан, Подольски ҳам белгиланган пенальтига рози бўлмади ва ҳакам билан баҳслаша бошлади. Бунга жавобан у "Арсенал"нинг собиқ ҳужумчисига қизил карточка кўрсатди. Подольски ҳакамнинг бу қарорига бўйсунди ва майсани тарк этди.
Подольскининг четлатилиши унинг жамоасига қимматга тушди - рақиб сон устунлигидан унумли фойдаланиб, финалга чиқди.
