"Наполи" бош мураббийи Лучано Спалетти "Сампдория"ни мағлуб этганидан кейин (2:0) грузиялик вингер Хвича Кварацхелия мавсумнинг иккинчи ярмида жамоанинг тўлиқ пенальти тепувчиси бўлишини айтди.
"Сампдория"га қарши ўйиннинг бошидаёқ 11 метрлик зарбани Маттео Политано амалга оширди. Бироқ, италиялик футболчи бу уринишни аниқ амалга ошира олмади.
"Биз яхши ташкил этилганмиз. Бизнинг доимий пенальти тепувчимиз Кварацхелия ва у буни амалга ошириши керак эди. Агар улар бир-бирлари билан келишса ва Хвича зарбани топширишни истаса, бу нормал ҳолат", - деди Спалетти.
Учрашувдаги иккинчи пенальтини Элиф Эльмас амалга оширди (ўша пайтда Кварацхелия захирага олинган эди), у "Сампдория" дарвозабони Эмил Аудерони доғда қолдира олди. Неаполликлар сафида илк голни Виктор Осимхен киритди.
