Германия терма жамоасининг собиқ футболчиси Лотар Маттеус Томас Мюллернинг "Бундестим"даги фаолиятини якунламаслик қарорига изоҳ берди.
"Унинг қарори мен учун кутилмаган бўлди, чунки мен кейинги 3-5 йил ичида у фақат "Бавария"га эътибор қаратади, деб ўйладим. Аммо мен Томас учун ҳали ҳам Германия терма жамоасида ўйнашга интилаётганидан хурсандман. Агар у буни уддалай олишига ва яхши натижалар кўрсатишига ишонса, унда, хуш келибсан, Томас.
Албатта, Германиядаги Евро-2024 ҳам Томас учун мотивация. Агар у ҳали эга бўлмаган ягона йирик унвон бўлган Европа чемпионлигини қўлга киритса хурсанд бўлардим. Агар Томас бўлса, мураббий унга таянади. Мен Ханс Фликини биламан. Албатта, у ёш футболчиларга таянади, аммо Томас Мюллер ўзининг муваффақияти, тажрибаси ва ўйин услуби туфайли барибир катта ишончга эга", - деди Маттеус Bayern&Germany билан суҳбатда.
