Лондоннинг "Челси" клуби Мадриднинг "Атлетико" клуби билан португалиялик ярим ҳимоячи Жоау Феликсни ижарага олиш борасида оғзаки келишувга эришди.
Компенсация миқдори тахминан 11 миллион еврони ташкил қилади, бу "матрасчилар"нинг дастлабки талаб қилган маблағларидан камроқ, деб ёзади журналист Давид Орнштейн.
Футболчининг хизматларига "Манчестер Юнайтед" ва "Арсенал" ҳам қизиқиш билдирганди, аммо 23 ёшли португалиялик футболчи "кўклар"га ўтишни афзал кўрди.
Мадридликлар сафида барча мусобақаларда 14 та ўйинда Феликс 4 та гол урди ва 3 та голли узатма муаллифига айланди.
