Londonning "Chelsi" klubi Madridning "Atletiko" klubi bilan portugaliyalik yarim himoyachi Joau Feliksni ijaraga olish borasida og‘zaki kelishuvga erishdi.
Kompensasiya miqdori taxminan 11 million yevroni tashkil qiladi, bu "matraschilar"ning dastlabki talab qilgan mablag‘laridan kamroq, deb yozadi jurnalist David Ornshteyn.
Futbolchining xizmatlariga "Manchester Yunayted" va "Arsenal" ham qiziqish bildirgandi, ammo 23 yoshli portugaliyalik futbolchi "ko‘klar"ga o‘tishni afzal ko‘rdi.
Madridliklar safida barcha musobaqalarda 14 ta o‘yinda Feliks 4 ta gol urdi va 3 ta golli uzatma muallifiga aylandi.
