Ярим ҳимоячи Серхио Бускетс "Ан-Наср" клубида Криштиану Роналдунинг жамоадоши бўлиши мумкин.
Инсайдер Мойзес Льоренснинг хабар беришича, Саудия клуби "Барселона"нинг 34 ёшли ярим ҳимоячисига 13 миллион евролик шартнома таклиф қилган.
Қайд этилишича, ҳозирча Серхио Бускетс келажаги борасида бир қарорга келмаган. Футболчи турли вариантларни, хусусан, "Барселона" билан шартномани узайтириш вариантини кўриб чиқмоқда.
Серхио Бускетс бутун фаолиятини "Барселона"да ўтказди. “Кўк-анорранглилар”нинг асосий таркибида ярим ҳимоячи 699 та ўйин ўтказиб, 18 та гол урган ва 42 та голли узатмани ҳамкорларига берган.
