“Рома” бош мураббийи Жозе Моуриньо Бразилия терма жамоасини бошқаришдан бош тортди, деб хабар беради Sport.es.

Манбанинг хабарига кўра, 59 ёшли мутахассис Италия клубида қолиб, жамоа билан бир неча кубокларда чемпионликни қўлга киритмоқчи.

Аввалроқ, "Порту"нинг собиқ футболчиси Карлос Алберто Моуриньо терма жамоа бош мураббийи бўлиши мумкинлигини айтиб, унга ёрдамчи бўлишни таклиф қилганди.

Бразилия терма жамоаси Тите кетганидан кейин мураббийсиз қолди. 61 ёшли мутахассис Қатарда бўлиб ўтган ЖЧ-2022 чорак финалида Хорватияга пенальтилар сериясида 1:1, 2:4 ҳисобида мағлуб бўлгач, истеъфога чиққанини маълум қилди. У 2016 йилдан буён жамоани бошқариб келаётган эди.