“Roma” bosh murabbiyi Joze Mourinyo Braziliya terma jamoasini boshqarishdan bosh tortdi, deb xabar beradi Sport.es.
Manbaning xabariga ko‘ra, 59 yoshli mutaxassis Italiya klubida qolib, jamoa bilan bir necha kuboklarda chempionlikni qo‘lga kiritmoqchi.
Avvalroq, "Portu"ning sobiq futbolchisi Karlos Alberto Mourinyo terma jamoa bosh murabbiyi bo‘lishi mumkinligini aytib, unga yordamchi bo‘lishni taklif qilgandi.
Braziliya terma jamoasi Tite ketganidan keyin murabbiysiz qoldi. 61 yoshli mutaxassis Qatarda bo‘lib o‘tgan JCH-2022 chorak finalida Xorvatiyaga penaltilar seriyasida 1:1, 2:4 hisobida mag‘lub bo‘lgach, iste’foga chiqqanini ma’lum qildi. U 2016 yildan buyon jamoani boshqarib kelayotgan edi.
