Мадриднинг "Атлетико" клуби ҳужумчиси Жоау Феликс клубини ўзгартиришга яна бир қадам ташлади.
El Chiringuito TV телеканали маълумотларига кўра, португалиялик футболчи "Челси"га ўтишни якунлаш учун Лондонга учиш учун Мадрид аэропортига етиб келди.
"Кўклар" футболчини мавсум охиригача 11 миллион евро эвазига ижарага олишди. Шунингдек, Грэм Поттер жамоаси футболчининг маошини тўлиқ қоплайди. Ҳозир томонлар трансфернинг якуний тафсилотларини келишиб олишмоқда.
Феликснинг ижара муддати тугагач, "Челси" сотиб олиш опциясига эга бўладими, ҳали номаълум. Португалиялик футболчининг хизматларига "Арсенал" ва "Манчестер Юнайтед" ҳам қизиқиш билдирганди.
