"Манчестер Сити" бош мураббийи Хосеп Гвардиола жамоанинг муваффақиятида футболчилар муҳим роль ўйнашини айтди.

"Қўлга киритилган совринларни ҳисобга олиб, ўзимни энг зўр деб ҳисоблай оламанми? Билмадим. Биз қисқа вақт ичида жуда кўп ғалаба қозондик, аммо менинг вазиятим шундай: мен учта фантастик клубда ишлаганман, менинг аввалги жамоаларимда ҳозиргидек футболчилар йўқ эди.

Муваффақият футболчиларда эканлигини кўп марта айтганман. Сизда ғоялар ва иш ахлоқи бўлиши мумкин, аммо уларнинг барчасини ўйинчилар амалга оширади. Масалан, Маҳрезнинг жарима зарбасидан йўллаган зарбаси дарвоза бурчагига йўл олди. Бунга менинг таъсирим қандай?

- Сиз уни бу ерга олиб келдингиз.

- Мен у учун бир фунт ҳам тўлаганим йўқ, ҳаммасини клуб тўлаган", - деб жавоб берди Гвардиола.