"Manchester Siti" bosh murabbiyi Xosep Gvardiola jamoaning muvaffaqiyatida futbolchilar muhim rol o‘ynashini aytdi.
"Qo‘lga kiritilgan sovrinlarni hisobga olib, o‘zimni eng zo‘r deb hisoblay olamanmi? Bilmadim. Biz qisqa vaqt ichida juda ko‘p g‘alaba qozondik, ammo mening vaziyatim shunday: men uchta fantastik klubda ishlaganman, mening avvalgi jamoalarimda hozirgidek futbolchilar yo‘q edi.
Muvaffaqiyat futbolchilarda ekanligini ko‘p marta aytganman. Sizda g‘oyalar va ish axloqi bo‘lishi mumkin, ammo ularning barchasini o‘yinchilar amalga oshiradi. Masalan, Mahrezning jarima zarbasidan yo‘llagan zarbasi darvoza burchagiga yo‘l oldi. Bunga mening ta’sirim qanday?
- Siz uni bu yerga olib keldingiz.
- Men u uchun bir funt ham to‘laganim yo‘q, hammasini klub to‘lagan", - deb javob berdi Gvardiola.
