Бир неча кун олдин “Ливерпуль” ва “Вулверхэмптон” кубок учун ўйинда “Энфилд”да 2:2 ҳисобида дуранг ўйнаганди.
“Бўрилар” учинчи голни ҳам уришди, бироқ ўйиндан ташқари ҳолат туфайли гол ҳисобланмади. Ён ҳакам байроқни кўтарди ва ВАР, афтидан, унинг нотўғри эканлигига аниқ далил топа олмади. Ўйиндан сўнг "Вулверхэмптон" бошқарувчиси Хулен Лопетеги ҳакамнинг қарорини хато деб атади.
Маълум бўлишича, "Вулверхэмптон" Англия футбол ассоциациясига (ФА) мурожаат қилган ва энди жавобини кутмоқда.
"Биз ўз шарҳларимизни ФАга юбордик ва жавоб кутмоқдамиз" - деди Лопетеги матбуот анжуманида.
"Ливерпуль" ва "Вулверхемптон" дурангдан кейин такрорий ўйин ўтказади.
