Бразилия терма жамоаси ҳужумчиси Неймар 2014 йилда терма жамоа қандай кўринишда бўлиши ҳақида гапиришни истамади, дея хабар беради Бразилия матбуоти. "Сантос" футболчисининг фикрича, келгуси мундиал ҳақида ҳозир фикр билдиришдан маъни йўқ.
"Келгуси жаҳон чемпионатигача кўп нарса ўзгариб кетиши мумкин. Ўша пайт ҳозирги таркибдан кўпчилик бўлмаслиги мумкин. Бу Конфедерациялар Кубоги мусобақасига ҳам тегишли", - дейди Неймар.
Футболчи, шунингдек, Бразилия олимпия термасининг Лондон-2012 финалидаги муваффаққиятсизлиги ўйинчиларнинг руҳиятини синдирмаслиги кераклигини таъкидлади: "Биз бу мағлубиятдан яхши дарс олишимиз керак. Нима бўлганда ҳам биз Бразилия учун медаль олиб бердик".
