Мадриднинг “Реал” клуби бош мураббийи Карло Анчелотти айни дамда жамоани “Валенсия”га қарши Испания Суперкубоги ярим финалига тайёрламоқда.
Жамоалар кубок ўйналадиган Саудия Арабистонида тўқнаш келишади. Анчелотти бу ҳақда изоҳ бериб, яқинда Саудия Арабистонига кўчиб ўтган Криштиану Роналдуни тилга олди.
"Мен Саудия Арабистонида Суперкубокда ўйнашни ўтган йилги муҳит, мухлисларнинг яқинлиги туфайли ёқтираман. Роналду "Ан-Наср" учун ажойиб трансфер бўлди. Унга энг яхши тилакларимизни тилаймиз. У худди фаолиятини якунлаган Бэйл каби "Реал" афсонаси. У ҳамон Мадриднинг қалбида", - дейди Анчелотти.
