«Реал» бош мураббийи Карло Анчелотти Испания суперкубоги ярим финал босқичи доирасида бўлиб ўтадиган «Валенсия»га қарши ўйин олдидан ўз фикрлари билан ўртоқлашди.

«Клубимиз учун совринлар муҳим аҳамиятга эга. Ўтган мавсумда ушбу мусобақадаги ғолиблик жамоамизга ишонч бағишлаб, курашиш учун иштиёқни оширганди. Бу сафар ҳам шундай бўлади, деб умид қиламан. Уйга соврин билан қайтиш учун «Валенсия»га қарши ўйинга яхши тайёргарлик кўриш керак.

Мавсумнинг ушбу босқичида яхши формада бўлмаслигимиз — кутилган ҳолат. Аммо машғулотда олган хулосаларим — ижобий. «Вильярреал»га қарши ўйин мени ҳайрон қолдирди. Мен бошқа жамоани кўрдим. Биз барчасини тўғри бажаришимиз керак, жумладан, ҳимояда юқори даражада ўйнашимиз шарт.

Биз ҳар бир соврин учун курашишимиз шарт. Фақат шу ҳақида ўйлаймиз. Уни қўлга киритиш учун барча чораларни ишга солишимиз зарур. Мақсадимиз — Испания суперкубогини қўлга киритиш. Ҳозирча кейинги мақсадлар ҳақида ўйламаяпмиз», – деди Карло Анчелотти.