"Манчестер Юнайтед" "Бешиктош"да ижара асосида ўйнаётган "Бёрнли" ҳужумчиси Воут Вегорст билан тўлиқ оғзаки келишувга эришди. Бу ҳақда журналист Фабрицио Романо Twitter'да хабар берди.

Манба берган хабарга кўра, инглиз клуби 30 ёшли футболчини 3 миллион евро эвазига ижарага олади. Аммо «Бешиктош» Нидерландия терма жамоаси футболчисига ўринбосар топса, ижара шартномасини муддатидан олдин бекор қилишга рози. Вегхорст "Бёрнли"га тегишли.

Форвард жорий мавсумда 18 ўйинда 9 та гол урди ва 4 та голли узатмани амалга оширди. Қатардаги жаҳон чемпионатида ҳужумчи турнирнинг чорак финалида Аргентинага қарши ўйинда дубль қайд этган (2:2, 5:6 пен.).