Португалиялик футболчи Жоау Феликс Лондоннинг "Челси" клубига ўтгани ҳақида фикр билдирди.
Эслатиб ўтамиз, футболчи "аристократлар" сафига жорий мавсум охиригача ижара асосида ўтди. Феликснинг тўлиқ шартномаси "Атлетико"га тегишли.
"Челси" дунёнинг энг кучли жамоаларидан бири. Мен клубга ўз мақсадларига эришишда ёрдам бермоқчиман. Мен бу ерда эканлигимдан жуда хурсандман ва “Стемфорд Бридж”да ўйнай олишимдан жуда хурсандман", – деди Феликс “Челси”нинг расмий сайтига.
Аввалроқ ОАВда "Челси" футболчининг мавсум охиригача ижараси учун Мадридга 11 миллион евро тўлаши, шунингдек, Феликснинг маоши билан боғлиқ барча харажатларни ўз зиммасига олиши ҳақида хабарлар тарқалган эди.
