"Челси" ПСВ вингери Нони Мадуэкага қизиқиш билдирмоқда, аммо трансфер январь ойида амалга ошиши даргумон.
Гап шундаки, яқинда Коди Гакпонинг "Ливерпуль"га ўтиши муносабати билан ПСВ раҳбарияти ҳужум чизиғидаги бошқа футболчини сотишга рози бўлмаслиги кутилмоқда. Эйндховен клуби Мадуэкени камида 35 миллион еврога баҳолайди.
Жорий мавсумда Мадуэке ПСВ сафида барча турнирларда 8 та ўйинда майдонга тушиб, иккита голга муаллифлик қилди. 20 ёшли англиялик ҳужумчи жароҳати сабаб мавсум бошини ўтказиб юборди.