"Манчестер Юнайтед" бош мураббийи Эрик тен Хаг жамоанинг ўйини ва натижаларини қандай яхшилашга муваффақ бўлганини айтиб берди.
"Ҳар куни биз юқори стандартларда яшаяпмиз, барчаси шу туфайли. Бу жамоа қуришда энг муҳим нарса. Ҳеч ким жамоадан ортиқ бўла олмайди, ҳамма жамоага ҳисса қўшиши керак.
Бу 11 нафар футболчи ҳақида эмас, барча футболчилар ҳақида. Футболчилардан ташқари жамоа ҳам бор. Бу бутун ходимлар - тиббиёт ходимлари, хизматчилар, мураббийлар, таҳлилчилар. Ҳар бир инсоннинг битта мақсади бор, унга эришиш учун ҳар ким астойдил ҳаракат қилади. Агар биз худди шу руҳда давом этсак, кўп нарсага эришишимиз мумкин", - деди тен Хаг talkSPORT билан суҳбатда.
