"Манчестер Юнайтед"нинг янги аъзосига айланиши кутилган Ваут Вегхорст жароҳат олди ва бугун тренажёр залида мураббий билан машғулот ўтказди. Бу ҳақда Fanatic нашри хабар бермоқда.
Эслатиб ўтамиз, аввалроқ 30 ёшли нидерландиялик ҳужумчи ўзи фаолиятини давом эттираётган "Бешиктош"нинг умумий гуруҳида бугун машғулот ўтказмагани, шунингдек, ҳужумчининг "Манчестер Юнайтед"га расман ўтиши ҳақида ҳеч қандай маълумот йўқлиги ҳақида хабар берилганди.
Олдинроқ ОАВда ҳужумчи "қизил иблислар" сафига ўтиш бўйича тўлиқ келишиб олгани, футболчи ва инглиз клуби ўртасида оғзаки келишувга эришилгани ҳақида маълумотлар пайдо бўлганди.
