Янги мавсумга Туркиянинг Анталия шаҳрида тайёргарлик кўраётган Фарғонанинг "Нефтчи" жамоаси бугун Польшанинг "Висла" жамоаси билан ўртоқлик учрашувини ўтказди.

Биринчи бўлим польшалик футболчиларнинг устунлигида ўтган бўлсада, танаффусга жамоалар 0:0 ҳисобидаги дуранг натижа билан йўл олишди.Иккинчи бўлимда "Нефтчи" амалга оширилган бир қатор ўзгаришлар эвазига ўйин сурати бироз тенглашди ва фарғоналиклар европаликлар дарвозаси томон тез-тез комбинацион ҳужумларни ташкилаштиришга эришдилар. Лекин, кучли шамол остида ўтган илк назорат учрашуви нурсиз дуранг (0:0) билан якунланди.

Бугунги ўйин орқали мураббийлар жамоани шакллантириш доирасида янги келиб қўшилган футболчиларни кўрикдан ўтказишмоқда .

"Нефтчи" қуйидаги таркибда майдонга чиқди:
Р. Мисяк, М. Убайдуллаев, О. Ларин, А. Мишенко, Ю. Батюшин, У. Адхамзода, А. Ғуломов, Д. Туропов, Н. Тўхтасинов, О. Шаркич, Р. Муртазаев

Иккинчи бўлимда қуйидаги таркибда майдонда харакат қилди:
Д. Валиев, Т. Табатадзе, З. Жўрабоев, Н. Неъматхонов, С. Абдуллажонов, А.Олимов, И. Абдуллаев, М. Ғофуров, У. Хошимов.