Yangi mavsumga Turkiyaning Antaliya shahrida tayyorgarlik ko‘rayotgan Farg‘onaning "Neftchi" jamoasi bugun Polshaning "Visla" jamoasi bilan o‘rtoqlik uchrashuvini o‘tkazdi.

Birinchi bo‘lim polshalik futbolchilarning ustunligida o‘tgan bo‘lsada, tanaffusga jamoalar 0:0 hisobidagi durang natija bilan yo‘l olishdi.Ikkinchi bo‘limda "Neftchi" amalga oshirilgan bir qator o‘zgarishlar evaziga o‘yin surati biroz tenglashdi va farg‘onaliklar yevropaliklar darvozasi tomon tez-tez kombinasion hujumlarni tashkilashtirishga erishdilar. Lekin, kuchli shamol ostida o‘tgan ilk nazorat uchrashuvi nursiz durang (0:0) bilan yakunlandi.

Bugungi o‘yin orqali murabbiylar jamoani shakllantirish doirasida yangi kelib qo‘shilgan futbolchilarni ko‘rikdan o‘tkazishmoqda .

"Neftchi" quyidagi tarkibda maydonga chiqdi:
R. Misyak, M. Ubaydullayev, O. Larin, A. Mishenko, YU. Batyushin, U. Adxamzoda, A. G‘ulomov, D. Turopov, N. To‘xtasinov, O. Sharkich, R. Murtazayev

Ikkinchi bo‘limda quyidagi tarkibda maydonda xarakat qildi:
D. Valiyev, T. Tabatadze, Z. Jo‘raboyev, N. Ne’matxonov, S. Abdullajonov, A.Olimov, I. Abdullayev, M. G‘ofurov, U. Xoshimov.