"Барселона" бош мураббийи Хави Эрнандес жамоасининг жорий мавсумдаги ишончли ҳимоявий ўйини ҳақида фикр билдирди.
Испания чемпионатининг 16-туридан сўнг “кўк-анорранглилар” ўз дарвозасидан атиги олтита гол ўтказиб юборди – бу турнирдаги энг яхши кўрсаткич.
“Бетис”га қарши Суперкубок ярим финали арафасида Хави сифатли ҳимоявий ўйин муҳимлигини таъкидлади: "Ҳимоя биз учун асосий ҳудуд. Совринларни қўлга киритиш учун ишончли ҳимояланиш жуда муҳим. Албатта, биз нафақат ҳимояда ишлашимиз керак, лекин, Ла Лигада ўтказиб юборилган олтита гол жуда муносиб кўрсаткич бўлиб, кўп нарсадан дарак беради", - деди мутахассис.
"Барселона"нинг "Бетис"га қарши ўйини 12 январь куни Тошкент вақти билан соат 23:59да бошланади.
