"Barselona" bosh murabbiyi Xavi Ernandes jamoasining joriy mavsumdagi ishonchli himoyaviy o‘yini haqida fikr bildirdi.
Ispaniya chempionatining 16-turidan so‘ng “ko‘k-anorranglilar” o‘z darvozasidan atigi oltita gol o‘tkazib yubordi – bu turnirdagi eng yaxshi ko‘rsatkich.
“Betis”ga qarshi Superkubok yarim finali arafasida Xavi sifatli himoyaviy o‘yin muhimligini ta’kidladi: "Himoya biz uchun asosiy hudud. Sovrinlarni qo‘lga kiritish uchun ishonchli himoyalanish juda muhim. Albatta, biz nafaqat himoyada ishlashimiz kerak, lekin, La Ligada o‘tkazib yuborilgan oltita gol juda munosib ko‘rsatkich bo‘lib, ko‘p narsadan darak beradi", - dedi mutaxassis.
"Barselona"ning "Betis"ga qarshi o‘yini 12 yanvar kuni Toshkent vaqti bilan soat 23:59da boshlanadi.
