Испания суперкубогининг ярим финалида «Реал» ва «Валенсия» жамоалари 11 январь, чоршанба куни баҳс олиб борди.

Учрашувнинг 39-дақиқасида мадридликлар ҳужумчиси Карим Бензема пенальтидан унумли фойдаланиб, ҳисобни очди. Иккинчи бўлим бошида эса Самюэль Лино мувозанатни тиклади. Асосий бўлимларда бошқа гол урилмади ва жамоалар қўшимча бўлимларга йўл олди.

Қўшимча бўлимларда вазиятлар яратиш бўйича устунлик мадридликлар томонида бўлган бўлса-да, дарвозалар дахлсизлиги сақланиб қолди ва ғолиб пенальтилар сериясида аниқланди.

Пенальтиларда эса «қаймоқранглилар» 4:3 ҳисобида зафар қучди. Валенсияликларнинг иккинчи зарбаси ноаниқ чиққан бўлса, сўнгги зарбани Куртуа қайтарди. "Реал" сафида Бензема, Модрич, Кроос ва Асенсио ўз имкониятларидан самарали фойдаланишди.

Шу тариқа Карло Анчелотти шогирдлари финалга йўл олди.

Ярим финалнинг иккинчи ўйинида «Барселона» 12 январь, пайшанба куни «Бетис» билан ўйнайди.

Испания суперкубоги
Ярим финал баҳси
11 январь, чоршанба
«Реал» — «Валенсия» 1:1
Пенальтилар серияси: 4:3
Голлар: 1:0 – 39 Бензема (пенальти), 1:1 – 47 Лино.
«Реал Мадрид»: Куртуа, Рюдигер, Милитао (Менди, 74), Начо, Кроос, Вальверде (Себальос, 106), Камавинга (Модрич, 46), Васкес (Карвахаль, 68), Бензема, Винисиус Жуниор, Родриго (Асенсио, 84).
«Валенсия»: Мамардашвили, Тони Лато (Мориба, 95), Тъэрри Коррейя, Жемерт, Озкажар, Гайя, Алмейда (Гилямон, 115), Муса (Фулке, 95), Кавани, Лино (Франсиско Перес, 82), Клюйверт (Дуро, 73).
Огоҳлантиришлар: Камавинга (28), Клюйверт (31), Жемерт (38), Кавани (92), Алмейда (100), Начо (109).