"Эвертон" яқин орада ярим ҳимоячиси Том Дэвис билан хайрлашмоқчи. Журналист Роб Дорсетнинг сўзларига кўра, ливерпулликлар 24 ёшли инглизни қишда сотмоқчи.
Дэвиснинг Фрэнк Лэмпард жамоаси билан шартномаси тугашига атиги олти ой қолди. Клуб раҳбарияти Том билан ҳамкорликни узайтирмоқчи эмас, аммо уни қишда эркин агент сифатида қўйиб юбориш ниятлари ҳам йўқ. "Эвертон" ўз тарбияланувчиси учун ҳеч бўлмаганда минимал миқдорда пул олмоқчи.
Том 2015/16 йилги мавсумда Роберто Мартинес бошчилигида жамоа сафида дебют қилганди. Дэвис ўшандан бери "Эвертон"нинг асосий ўйинчисига айлана олмади.
