"Everton" yaqin orada yarim himoyachisi Tom Devis bilan xayrlashmoqchi. Jurnalist Rob Dorsetning so‘zlariga ko‘ra, liverpulliklar 24 yoshli inglizni qishda sotmoqchi.
Devisning Frenk Lempard jamoasi bilan shartnomasi tugashiga atigi olti oy qoldi. Klub rahbariyati Tom bilan hamkorlikni uzaytirmoqchi emas, ammo uni qishda erkin agent sifatida qo‘yib yuborish niyatlari ham yo‘q. "Everton" o‘z tarbiyalanuvchisi uchun hech bo‘lmaganda minimal miqdorda pul olmoqchi.
Tom 2015/16 yilgi mavsumda Roberto Martines boshchiligida jamoa safida debyut qilgandi. Devis o‘shandan beri "Everton"ning asosiy o‘yinchisiga aylana olmadi.
