"Ницца" ярим ҳимоячиси Хефрен Тюрам фаолиятини "Ливерпул"да давом эттириши мумкин, дея хабар беради FootballTransfers.
Нашрнинг ёзишича, инглиз клуби аллақачон “Ницца” жамоаси билан музокара олиб борган. Французлар футболчини таркибда сақлаб қолмоқчи, аммо 30 миллион евролик таклиф тушса, у билан хайрлашишга тайёр.
Ярим ҳимоячининг "Ницца" билан амалдаги шартномаси 2025 йилнинг ёзига қадар мўлжалланган.
21 ёшли франциялик футболчи жорий мавсумда барча турнирларда 27 та ўйинда майдонга тушиб, 1 та гол урди ва 4 та голли узатмани амалга оширди.