"ПСЖ" чоршанба оқшомида Франция чемпионати доирасида "Анже"ни 2:0 ҳисобида мағлуб этди. Голлардан бирининг муаллифи Лионель Месси бўлди. Энди унинг ҳисобида Европанинг кучли бешлик лигаси вакили бўлган клублар сафида 696 та гол бор.
Криштиану Роналду ҳам Европанинг топ-5 лигаси клублари таркибида шунча голларни киритган, дея хабар бермоқда "MessivsRonaldo.app".
Криштиану Роналду ва Лионель Мессининг Европанинг топ-5 лигаси клублари ўртасидаги ўйинларида тўлиқ келтирилган маълумотлар қуйидагича кўринади:
Лионель Месси - 832 ўйинда 696 гол ва 297 голли узатма;
Криштиану Роналду - 919 ўйинда 696 гол ва 197 голли узатма.
Эслатиб ўтамиз, Криштиану Роналду яқинда Саудия Арабистонининг "Ан-Наср" клуби футболчисига айланди.
