Халқаро футбол тарихи ва статистикаси федерацияси (IFFHS) XXI асрда энг кўп ўйин ўтказган футболчиларни ҳисоблаб чиқди.
Бу кўрсаткич бўйича етакчи португалиялик Криштиану Роналду ҳисобланади. У жорий асрда 1145 та учрашув ўтказган. Бразилиялик Дани Алвеш 1033 ўйин билан иккинчи ўринда. Аргентина юлдузи Лионел Месси эса 1003 та беллашувда майдонга тушган.
Қайд этиш жоиз, ХХИ асрда фақат шу 3 футболчигина ўйинлари сонини 1000 тадан ошира олган. Тўртинча поғонани 974 учрашув билан Испания терма жамоаси ва “Реал” клуби собиқ дарвозабони Икер Касиляс банд этиб турибди.
