"Ювентус"нинг жароҳат олган футболчилари рўйхатида Душан Влахович, Поль Погба, Хуан Куадрадо, Леонардо Бонуччи ва яна бир қанча ўйинчилар бор. "Наполи"га қарши ўйин арафасида "кекса синьора" устози Массимилиано Аллегри жароҳат олган футболчилар ҳақида фикр билдирди.
"Баъзи ўйинчилар тезда сафга қайтишлари мумкин. Куадрадо сешанба куни машғулотларга қайтиши мумкин. У Италия Кубогида "Монца"га қарши ўйинга тикланиши мумкин бўлган ягона футболчи. Лекин мен унинг аҳволига баҳо беришим керак. Қолган футболчиларга келадиган бўлсак, улар ўзларини яхши ҳис қилмоқдалар ва биз оптимистмиз", - деди Аллегри журналистларга.
Чоршанба куни Поль Погба ва Душан Влахович "Ювентус"нинг умумий гуруҳида қисман машғулот ўтказишди.
