"Бавария" ҳимоячиси Дайо Упамекано жаҳон чемпионати у учун қандай ўтгани ҳақида фикр билдирди. Эслатиб ўтамиз, футболчи турнирда Франция терма жамоасининг асосий марказий ҳимоячиси бўлган, аммо Дидье Дешам жамоаси финалда Аргентинага пеналтилар сериясида мағлуб бўлганди.
“Жаҳон чемпионати аллақачон тугади, биз ютқаздик, аммо бу содир бўлди. Шунга қарамай, ушбу турнирда мен ўзим учун жуда кўп фойдали тажрибага эга бўлдим", - дея Упамекано сўзларидан иқтибос келтиради журналист Филип Кесслер.
Упамекано энди "Бавария" билан бирга Бундеслигада мавсумни қайта тиклашга тайёргарлик кўрмоқда.
