"Барселона" спорт директори Матеу Алемани ва бош мураббий Хави "Атлетико" вингери Янник Карраско трансферига қарши эмас. Аввалроқ испан ОАВда Карраско "Барса" ҳужумчиси Мемфис Депай трансферига қўшилиши мумкинлиги хабар қилинганди.
29 ёшли бельгиялик футболчининг "Атлетико" билан шартномаси 2024 йилнинг ёзига қадар мўлжалланган. У жорий мавсум Диего Симеоне жамоаси сафида 23 та ўйинда майдонга тушиб, 4 та гол урди ва 2 та голли узатмани амалга оширди. Transfermarkt Карраскони 30 миллион еврога баҳоламоқда.