Париж мэри Анн Идальго "Парк де Пренс" стадионини "ПСЖ" клубига сотилиши мумкинлиги ҳақидаги миш-мишларга изоҳ берди. Музокаралар ҳақида маҳаллий матбуотда мунтазам хабарлар бериб борилмоқда.
"Буларнинг барчаси ҳақиқат эмаслиги аниқ. "Парк де Пренс" сотилмайди. Бу Париж меросининг объекти. Савол ёпиқ – "Парк де Пренс" сотилмайди" - деди Франция пойтахти мэри.
"ПСЖ" раҳбарлари "Парк де Пренс"ни реконструкция қилиш учун 500 миллион евро сарфлашга тайёр эди. Арена сиғими 60 минг ўринга етказилиши режалаштирилган эди.
