Полшалик марказий ҳужумчи Роберт Левандовски "Бавария" футболчиси бўлганида фаолиятини "Барселона"да эмас, балки "Реал"да давом эттириши мумкин эди. Бу ҳақда Relevo журналистларига маълум бўлди.
Манбага кўра, полшалик дастлаб "қироллик" клубига ўтишни мақсад қилган ва агентидан трансферни ташкил қилишни сўраган. Томонлар музокарага киришишган, бироқ "қаймоқранглилар" президенти Флорентино Перес ҳужумчини ёши катта бўлгани учун сотиб олишдан бош тортди.
Натижада Левандовски 4 йиллик шартнома асосида "Барселона"га ўтди. Каталонияликлар сафида у 21 та ўйинда 19 та гол урган.
