Германия терма жамоаси ва Мюнхеннинг “Бавария” клуби собиқ ҳимоячиси Лотар Маттеус ҳужумчи Томас Мюллер ҳақида гапирди.
“Менимча, Томас марказий ҳужумчи сифатида ўйнамаслиги керак. У ўзининг энг яхши фазилатларини намоён этадиган ҳолатда ишлатилиши керак. Мюллер худди Левандовски билан бўлгани каби ҳужумчи ортида ўйнаши керак. Энди Томаснинг Мусиала каби жиддий рақиби бор, аммо Томасни ҳисобдан чиқаришга ҳали эрта", - дейди Маттеус.
Мюллер жорий мавсум мюнхенликлар сафида 15 ўйинда 3 та гол ва 6 та голли узатмани амалга оширди.
