Россиялик мутахассис Игорь Черевченко Тожикистоннинг “Истиқлол” клуби бош мураббийига айланади. Бу ҳақда журналист Иван Карпов ўзининг Телеграм-каналида хабар берди.
Қайд этилишича, эртага, 16 январь куни мутахассис жамоа бошқарувини ўз қўлига олиш учун Душанбега (Тожикистон) боради.
"Бошқа вариантлар ҳам бор эди, лекин мен Тожикистонни афзал кўрдим", — деди Черевченко.
Россияда мураббий сифатида ишлаган Игорь Черевченко Москванинг “Локомотив”, Калининграднинг “Балтика”, Туланинг “Арсенал” ва Москва вилоятининг “Химки” клубларини бошқарган. 2014/2015 йилги мавсумда “Локомотив” билан Россия кубогини қўлга киритган.
“Истиқлол” Тожикистоннинг 11 карра чемпиони, 9 карра Тожикистон кубоги соҳиби, Тожикистон Суперкубогининг 10 карра соҳиби. Клуб кетма-кет тўққиз мавсум миллий чемпионатда ғолиб чиқди.
