"Интер" ва "Барселона" вингер Хоакин Корреани ҳужумчи Мемфис Депайга алмаштириш бўйича келишувга эришди, дея хабар беради инсайдер Жерар Ромеро.

Манбага кўра, клублар келишув шартлари бўйича деярли келишиб олишган, натижада аргентиналик футболчи "Интер"дан "Барселона"га ўтади, нидерландиялик ҳужумчи эса Италия чемпионатига ўтади. Депай Италия жамоасига ўтишдан бош тортса, ўйинчилар алмашинуви амалга оширилмаслиги мумкин.

28 ёшли Корреа жорий мавсумда “Интер” сафида барча турнирларда 21 та ўйинда майдонга тушиб, 3 та гол урди ва 3 та голли узатмани амалга оширди. 28 ёшли Депай "Барселона" сафида барча мусобақаларда 4та ўйин ўтказиб, битта гол урган.