"Кристал Пэлас" ўтган мавсумда "бургутлар" сафида ижара асосида тўп сурган ярим ҳимоячи Конор Галлахерни трансфер ойнаси тугагунча қайтаришга ҳаракат қилади. Бу ҳақда инсайдер Алан Никсон ижтимоий тармоқларда хабар берди.
Манба берган хабарга кўра, "Кристал Пэлас" бош мураббийи Патрик Виейра кеча ўзининг собиқ жамоасига қарши майдонга тушиб, "кўклар"нинг 1:0 ҳисобида ғалаба қозонишига ёрдам берган "Челси" ярим ҳимоячиси билан яна учрашмоқчи.
Эслатиб ўтамиз, октябрь ойида Галлахер "Селхёрст Парк"да "бургутлар" дарвозасига ғалаба тўпини киритган эди.
Жорий мавсумда Галлахер Англия чемпионатида битта гол урди ва битта голли узатмани амалга оширди.
