15 январь куни “Ньюкасл” Александр Исаакнинг 89-дақиқада киритган голи эвазига “Фулхэм” устидан минимал ғалабага эришди.
“Ньюкасл” сўнгги бор Англия чемпионатида 31 август куни – 5-турда “Ливерпуль”дан мағлуб бўлганди. Шу тариқа, "қарғалар" Премьер-лигадаги мағлубиятсиз сериясини 14 тага етказди, бу клуб тарихидаги энг узун серия ҳисобланади.
Европанинг топ-5 лигасидаги бошқа ҳеч бир клубда ҳозирда бунчалик узоқ давом этган мағлубиятсиз серия йўқ.
Кейинги турда “Ньюкасл” меҳмонда “Кристал Пэлас”га қарши баҳс олиб боради. Учрашув 21 январь, шанба куни соат 22.30да бошланади.
