"Ювентус" трансфер бозорини ўрганмоқда, таркибни кучайтириш вариантларини қидирмоқда. Tuttosport хабарига кўра, Турин клуби ёзда "Рома" футболчиси Крис Смоллинг билан шартнома имзоламоқчи. "Ювентус" футболчини мавсум охирида текинга олиши мумкин.
Манба берган хабарга кўра, "кекса синьора" тажрибали марказий ҳимоячи қидирмоқда ва Крис Смоллингни бу позиция учун мукаммал футболчи, деб ҳисобламоқда.
Аввалроқ матбуотда Крис Смоллинг ва "Рома" ўртасидаги янги шартнома борасидаги музокаралар унчалик яхши кетмаётгани ҳақида хабарлар тарқалган эди. 33 ёшли инглиз ҳалигача маошини пасайтириб, меҳнат шартномасини имзолашга рози бўлмаган.
