Эрик-Максим Шупо-Мотинг «Бавария» билан узоқ муддатли шартнома имзолашни ва маоши оширилишини истамоқда.
Мюнхенликлар янги маош масаласини муҳокама қилишга тайёр, бироқ клуб 30 ёшдан ошган футболчилар билан битимни кўпи билан бир йилга узайтириш қоидасига амал қилади, деб хабар беради «Bild» нашри.
2023 йилнинг 30 июнида 33 ёшли камерунлик форвард эркин агентга айланиши мумкин. Ҳозирда у мавсумига 3,5 миллион евро маош олади.
Манбага кўра, кейинги ҳафталар Шупо-Мотинг ва «Бавария» ўртасидаги музокараларда ҳал қилувчи бўлиши мумкин.
Бундеслиганинг жорий мавсумидаги 10 ўйинда ҳужумчи 6 гол урган ва 2 голга ассистентлик қилган.
