Erik-Maksim Shupo-Moting «Bavariya» bilan uzoq muddatli shartnoma imzolashni va maoshi oshirilishini istamoqda.

Myunxenliklar yangi maosh masalasini muhokama qilishga tayyor, biroq klub 30 yoshdan oshgan futbolchilar bilan bitimni ko‘pi bilan bir yilga uzaytirish qoidasiga amal qiladi, deb xabar beradi «Bild» nashri.

2023 yilning 30 iyunida 33 yoshli kamerunlik forvard erkin agentga aylanishi mumkin. Hozirda u mavsumiga 3,5 million yevro maosh oladi.

Manbaga ko‘ra, keyingi haftalar Shupo-Moting va «Bavariya» o‘rtasidagi muzokaralarda hal qiluvchi bo‘lishi mumkin.

Bundesliganing joriy mavsumidagi 10 o‘yinda hujumchi 6 gol urgan va 2 golga assistentlik qilgan.