La Gazette Dello Sport хабарига кўра, "Ювентус" 5 нафар асосий таркиб футболчиси билан хайрлашиши мумкин.
Манба берган хабарга кўра, Турин клуби бир нечта футболчини сотишга муваффақ бўлсагина таркибни кучайтириш вариантини кўриб чиқмоқда. Рўйхатдан ҳимоячилар Алекс Сандру ва Хуан Куадрадо, ярим ҳимоячилар Адриен Рабьо, Уестон Маккенни ва Леандро Паредес ("ПСЖ"дан ижарага олинган) ўрин олган.
Қайд этилишича, барча футболчиларнинг бирданига кетиши даргумон, аммо “Ювентус” улар билан хайрлашиш учун имкониятлар қидиради.
"Ювентус" 18 турдан кейин 37 очко билан А Серияда учинчи ўринда бормоқда.
