"Барселона" кетишга яқин турган Мемфис Депай ўрнига муносиб футболчи сотиб олишга умид қилмоқда.
Нидерландиялик ҳужумчи тез орада Мадриднинг "Атлетико" жамоасига ўтиши мумкинлиги ҳақида аввалроқ хабар берилган эди. "Барселона" 28 ёшли футболчига ўринбосар излаш мақсадида трансфер бозорини ўрганмоқда, аммо клубнинг молиявий қийинчиликларини инобатга олган ҳолда бу вазифани ҳал қилиш осон бўлмайди, дея хабар беради журналист Тони Хуанмарти.
Маълумки, "кўк-анорранглилар" раҳбарияти ёздан бери "Челси"да ўйнаётган Пьер-Эмерик Обамеянгнинг қайтишини энди кутмаяпти.
Эслатиб ўтамиз, Мемфис Депайнинг сотилиши "Барселона"га 3 миллион еврога яқин даромад келтиради.
