Кейлор Навас "Ан-Наср"нинг таклифига қизиқмаяпти.
Аввалроқ, Давид Оспинанинг жароҳати туфайли Саудия Арабистони клубидан "ПСЖ" ва Коста-Рика терма жамоасининг 36 ёшли посбонига қизиқиш билдирилгани ҳақида хабар берилганди.
RMC Sport хабарига кўра, Навас ўзини ҳали ҳам юқори савияда ўйнашга қодир деб ҳисоблагани учун фаолиятини Европанинг топ-5 лигасидаги клубда давом эттирмоқчи.
Наваснинг "ПСЖ" билан шартномаси 2024 йилнинг июнида якунига етади.













